我慢

剛才在公司上廁所，完事後正在洗手之際，聽到門外鎖匙聲不斷，想必是隔壁單位的訪客用不慣廁所鎖匙而扭不開門。由於正在洗手，本想不去理會，待她扭多兩下便能開到的吧！然而仍是繼續聽到鎖匙扭來扭去，於是好心行個方便替她開了門。

開門後，外面是２個半中不老的女子，看來也算斯文也算有點教養的。她們先是呆了一呆，接著２人一邊行進廁所，一邊高談濶論那鎖匙怎麼怎的了那門怎麼怎的了。我搭了咀，才發現她們兩人自說自話，好像把我當透明！！還要的是，我替她們開了門，竟然沒說句“唔該”！！！多沒禮貌啊！當下內心有點不悅！

洗手完畢回到辦公室後，定了神，想了一想．．．．．．．

我的習氣多重啊！

舉手之勞行個方便本來就是應該做的事情，也芝麻綠豆微不足道；而且幫助別人，無論大事小事，幫就是為了幫，不該是為了什麼形式的回報 ── 那怕一句說話一個微笑等等。所以，開了門便開了門，聽到或聽不到句“唔該”又如何？！？！？

再者，她們折騰了一番才入得廁所，腦裡的直接反應foucus了在那門和鎖匙怎麼怎麼，而使得旁若無人，一時忘了說“唔該”，這也是人之常情，沒什麼好怪責的。

又再者，別人認為你“幫”了她們嗎？？廁所裡一天到晚不斷人進人出，她們也許只當你是正要離開所以才開門。

又又再者，自己和別人不認識，別人自家兒２人談話，儘管話題是公開的，也和自己有少少少許關係，這就代表可以隨便插咀？！？！調轉來看，是別人覺得你插咀沒禮貌！！ ── ““噫…...這人不是要離開廁所麼??  幹嗎站在這裡搭爹?!?!?!?””

就算別人真的沒禮貌，那又如何？！？！的確，沒禮貌是不好的品行和風氣，是要指正和勸說的，嚴重離譜的要鬧！！　但像上述這情況實在太瑣碎，無禮的情度很輕，又太"曖昧", 很難做些什麼，亦應該寬容。

就是我太執著於自己“幫”了人，所以才介懷別人的反應。是我把自己看得太重，以為自己做了甚麼普度眾生大慈大悲大善行！

轉貼："據說，這還不是最壞的時光……只不過是不好不壞的時光"

""《中國的污染》獲人道主義攝影獎。2009年10月14日晚上，第30屆尤金史密斯人道主義紀實基金在美國紐約美國亞洲協會舉行隆重的頒獎儀式，來自中國的盧廣以《關注中國污染》的專題攝影獲得了尤金史密斯人道主義攝影獎。""

网上私隱風險報告

較早前睇到一單趣聞,  話英國(冇記錯...) 有個女仔係 facebook profile 度大數公司同老細,  點知佢唔記得左原來已經 add 左老細,  結果老細睇到晒 !!!!  之後就 "豉椒炒魷" !!!!!  

接著前兩日又睇到莫乃光一篇文叫人小心自己网上(尤其 facebook) 私隱, 話d老細請人前會 search 黎睇云云.  

諗諗下真係驚驚地!!!  開始驚d老細會search下我!!!!

我其實唔止一個老細。跟開既大老細一向唔識用電腦，但最近開始學，屋企都裝左電腦，不過應該未有問題住。但我竟然忽略左，我另外仲有2個，佢地會上网，仲有 facebook添!!!! 

我印象中自己既現身指數係好安全！ 之前search過, 幾乎係隱型！至多係 search 到我個 friendster, 但 friendster 冇乜料到, "目及"唔到d乜, 所以唔怕！　

但，已經係成３年(or 兩年幾)前既事！果陣仲未有 facebook！　有左呢家嘢之後，情況應該有變！！！

我 search 過 yahoo同 google兩者 ，範圍由本港至全球。

中、英文全朵  --- 大致上係一堆同名同姓及九唔搭八。中文全朵去到後少少先有２條係我既，但呢２條同工作有關，唔驚畀老細睇到。

英文名＋姓氏  ---  係會搵到我 facebook。 雖然都有同名同姓，但我個 prof pic 係京劇 ，大老細知知地我中意京劇，其餘２個唔知，唔曉得２位老細如果真係 search，見到京劇相果個知唔知係我？！？！？！

搵到 facebook就有少少危！ 就算冇 facebook a/c，冇sign in既人，就咁click入去會 randomly 睇到我部份 friends同有乜 fan pages!!!! 我 add 晒社民連個班， 仲有王丹， page 都有顯示 yukman & 王丹！　畀班保守既老細睇到，唔知佢地點諗！！！！　

正話講另外2個老細有facebook，我當然冇咁笨柒 add 佢地 !!! 　所有同工作有 la lung 既人一律唔add！　我 fb亦 private左! (好似private唔晒, 係 partly.....) 但 private左 click入去都會睇到有乜 friends，佢地亦會係 facebook 其他地方見到我個 a/c ，例如 groups / events 。不過, 我雖然 join左9百幾個groups, 但d groups 通常都有9萬幾人, 邊睇到我！　我又好少係 groups度留言吹水，所以 『目及』到既機會應該不大 (卦.....)!!!!

至於 search 网名,  當然出現自己 xanga。仲有一堆响 xanga 网友 or 其他 blog 既留言；有一堆唔識既人轉貼 "假如我是男人" link；有人在別人的留言裡轉貼弊 xanga某篇條 link ；電影節筆記网頁轉載；有朋友既 inmeia文章提及弊 xanga；唔識的人 post 我的文在大陸 forum ．．．呢d冇乜特別！

比較好笑係．．．．竟然有咸网轉貼弊 xanga 的 link ！！！！！

個 xanga畀老細發現就真係唔係咁好!!!  雖然冇講佢地壞話, 但 『懶』係憤世嫉俗，又怕畀佢地見我辦公事間寫 xanga!!

老細們會唔會 search 我网名?!!?  佢地知我英文名, 但應該未必識串或串啱!!! 後面 lung 埋另一個字, 就應該冇人知.   至多係另一個我工作團體既成員有我 email,  但估佢唔會咁無聊走去search .  就算會, 佢都不理會務,  又開始同我老細疏遠,  應該冇乜影響卦....

係咁多! 報告完畢!!!!

愛情...係....

近日耳聞目睹好些關於愛情婚姻的情狀事件──不論是從認識的人還是名人，親身見識還是道聽途說，心中不免湧起一番感受。

我發現 (一早有人這樣認為啦……)：所謂愛情．．．精神上的稱“愛情”／行為上的叫“拍拖”或進一步叫“婚姻”的那回事兒，經去蕪存菁之後 ── 飯票／煮飯執屋洗衫／傳宗接代／扑嘢這些擺明功利及功能性的一早撇除了；“去蕪”的是去那些崇高堅貞浪漫的糖衣 ──，基本上只是兩種東西：

（一）    陪 ──

什麼？？就是人們常說的“搵個盆(伴)” (搵個sink盆定面盆?!?!)。日常生活中有太多無聊又瑣碎的動作──今晚放工想去旺角買隻杯／食完飯想落樓下公園散下步．．．．這等事，本來就是一個人幹。但一個人總嫌孤單冷清，於是便想到要找個伴兒陪著一起幹。可是，這實在太無聊太瑣碎了，朋友大多不會陪你顛！！家人呢？？父母長輩有些或會行動不便，且有代溝，只會自招麻煩！兄弟姊妹呢？？不是人人都和兄弟姊妹有感情(交情)的，就算有，情況和朋友一樣，都是不會陪你顛！！！結果，只有一種人能夠──就是伴侶／情人／男女友／老公老婆．．．．

如果能做到不論有人沒人，多少個人也可，甚至是“最好”／“只能”一個人做，那個“盆”根本是多餘的！！

（二）    調劑 ──

就是人們常說的“想有人錫．．．”！！說穿了，不過是用擠眉弄眼、搔首弄姿、甜言蜜語、斟茶遞水．．．．等動作行為來營造溫馨甜蜜浪漫氣氛感覺，要來調劑生活。

正正是生活太苦悶刻板，太沒“細藝”，心靈太空虛...... 才落得要靠此等小動作至能有一刻寬心！！那．．．．好像有點．．．(我想話……“可悲”)

我是承認有那些崇高堅貞浪漫存在的！可是，和億萬富豪一樣，世間有（還多的是），但不是你不是我不是人人都係！！

後記：

ｄ人睇完實話：

你冇仔先至“可悲”！！

係呀！！吹咩！！！